Online Service Center Myanmar: Security

Covid-19 ကို လူတိုင်းစိတ်ဝင်စားပြီး လူတိုင်းကြောက်ရွံ့နေချိန် နည်းပညာပိုင်း၊ Cyber Security ပိုင်းမှာလည်း Covid-19 နဲ့ပတ်သက်ပြီး ဒီလိုကြောက်စရာကောင်းတဲ့အရာတွေ ပေါ်ထွက်လာနေတယ်ဆိုတာသိထားပြီး သတိထားမိကြဖို့လိုပါတယ်။ သိလည်းမသိဘူး၊ သတိလည်းမထားမိဘူး၊ ကိုယ်နဲ့မဆိုင်ဘူးလို့ လျစ်လျူရှုထားလိုက်ရင် ခံရမယ့်သူက ကိုယ်ဖြစ်သွားနိုင်ပါတယ်။

အခုလို Ransomware တွေ မြန်မာပြည်မှာ သိသိသာသာနဲ့ထိလာတာ အလွန်ဆုံး ၃ နှစ်၊ ၄ နှစ်၊ ဝန်းကျင်ပဲရှိဦးမယ်ထင်တယ်။ နဂိုက ကွန်ပြူတာ( Desktop, Laptop ) တွေမှာပဲ အထိများခဲ့ပေမယ့် အခုဆိုရင် Mobile Phone အသုံးပြုသူများလာတာနဲ့အမျှ Mobile user တွေကို Target ထားတဲ့ Ransomware တွေ အများအပြားထွက်လာနေပြီဖြစ်ပါတယ်။ သူ့ရဲ့လုပ်ဆောင်ပုံက ကြောက်ဖို့ကောင်းလို့ လူတိုင်းသတိထားသင့်ပါတယ်။

Ransomware ထိရင်ဘာဖြစ်လဲ?
Ransomware ထိရင် ဘာဖြစ်နိုင်လည်းဆိုတော့ ကိုယ့်ရဲ့ Computer, Mobile တွေထဲမှာရှိတဲ့ Data တွေကို သုံးလို့မရတော့အောင်လုပ်ခံလိုက်ရပြီး ပြန်လည်အသုံးပြုချင်တယ်ဆိုရင် သူတို့တောင်းခံထားတဲ့ ငွေကြေးကို ပေးချေလိုက်တော့မှသာ ကိုယ့်ရဲ့အချက်အလက်တွေပြန်လည်ရရှိပြီး အသုံးပြုလို့ရပါတယ်။ 100% ပြန်ရလားဆိုရင်တော့ မရတာများတယ်လို့ပြောလို့ရသလို ပိုက်ဆံတော့ပေးလိုက်ရတယ် ဘာ Data မှ ပြန်မရဘူးဆိုတာမျိုးတွေလည်းရှိပါတယ်။ ဒီတော့ ကိုယ့်ရဲ့ ကွန်ပြူတာတွေ၊ မိုလ်ဘိုင်းဖုန်းတွေကို Ransomware မထိဖို့က ကိုယ့်မှာပဲတာဝန်ရှိတယ်ဆိုတာကို သိထားဖို့လိုပါတယ်။

Ransomware က ဘယ်လိုဝင်ရောက်လာနိုင်တာလဲ?
SS ထဲမှာရေးထားသလိုမျိုး တွေ့ကရာ Website တွေဝင်ကြည့်၊ လျှောက်နှိပ် လျှောက်ကလိတာမျိုးလုပ်ရင်၊ တွေ့ကရာ Computer Software, Mobile App, တွေကို Download လုပ်ပြီးအသုံးပြုရင်၊ Email ထဲမှာပါလာတဲ့ Word File, PDF File, Video File, Photo File, လိုမျိုးတွေကို ဖွင့်ကြည့်မိရင် Ransomware ထိနိုင်ပါတယ်။

Ransomware မထိအောင် ဘယ်လိုကာကွယ်ရမလဲ?
တွေ့ကရာ Website တွေလျှောက်မဝင် လျှောက်မကလိပါနဲ့၊ တွေ့ကရာ Software, Mobile App, တွေကို Download လုပ်ပြီးမသုံးပါနဲ့၊ Email ထဲမှာပါလာတဲ့ Word File, PDF File, Video File, Photo File, လိုမျိုးတွေကို အလွယ်တကူဖွင့်မကြည့်ပါနဲ့၊ မဖြစ်မနေ ဝင်ကြည့်မှရမယ်၊ ဒေါင်းသုံးမှရမယ်၊ ဖွင့်ကြည့်မှရမယ်၊ ဆိုခဲ့လျှင် ကိုယ်ဝင်ကြည့်မည့် Website address, Download ပြလုပ်ထားသည့် File, Email ထဲမှာပါလာတဲ့ File, တွေကို ဒီတိုင်း လက်လွတ်စပါယ်ဖွင့်မကြည့်ပဲ www.virustotal.com
လိုမျိုး Website ထဲမှာထည့်ပြီး Scan ဖတ်ပြီး Safe ဖြစ်တယ်ဆိုတော့မှသာ ဝင်ကြည့်၊ ဖွင့်ကြည့်၊ သုံးကြည့်ပါလို့ တိုက်တွန်းရင်းနဲ့ ကြောက်စရာကောင်းတဲ့ Ransomware ကို သတိထားပြီးရှောင်ရှားကြပါလို့ နောက်ဆုံးအနေနဲ့ ပြောချင်ပါတယ်။

Aung Kyaw Soe ( 16.3.2020 - 10:58 AM )

SS ထဲမှာပါတဲ့ မူရင်းပို့စ် => https://www.facebook.com/lolsecmm/posts/1321720024703934
________________

အားလုံးပဲ ဝိုင်းဝန်းကူညီတဲ့အနေနဲ့ သတင်းအမှားဖြန့်ဝေမှုများကိုတွေ့ရှိလာပါက ဒီ Group လေးထဲမှာ ပြန်လည်လာရောက်ပြီး တင်ပေးကြစေလိုပါတယ်။
သတင်းအမှန်များသိရှိနိုင်ရန်အတွက်လည်း သတင်းအမှန်များကို Information Sharing ပြုလုပ်ပေးနိုင်ပါတယ်။

ဒီ COVID-19 သတင်းအမှားတင်သူများရှာဖွေဖော်ထုတ်ရေး Group လေးထဲကို Join မထားရသေးဘူးဆိုရင် အခုပဲ Join ပြုလုပ်ပြီး သတင်းမှန်များ၊ သတင်းမှားတင်ထားသည့်များကို လာရောက်တင်ပေးကြပါဦး။
Group ထဲကို Join လိုပါက ...
Web Address: https://www.facebook.com/groups/Covid19infoMyanmar
________________
#Covid19 #Coronavirus #FakeNews #FactChecking
#Covid19FakeNews #CoronavirusFakeNews #FakeNewsCovid19 #Covid19FactChecking
#Covid19infoMyanmar #Covid19infoMyanmarGroup

မူရင်းတင်ထားသည့်ပို့စ် -

အခုနောက်ပိုင်း အကောင့်ခိုးပြီးလုပ်စားနေတဲ့ မိမဆုံးမ၊ ဖမဆုံးမ၊ သန္ဓေယုတ်တဲ့ ခွေးသူခိုးတွေက Account ခိုးနည်းကို တမျိုးပြောင်းပြီးလုပ်တာကိုတွေ့ရတယ်။ အရင်တုန်းကဆိုရင် Recovery test, I Can't login, Phishing, တွေနဲ့ခိုးခဲ့ပေမယ့် အခု OTP Code လေးတွေတောင်းပြီးခိုးကြတယ်။

အတဲ့သူတွေကလည်း ကိုယ့်ဖုန်းထဲကိုဝင်လာတဲ့ OTP( One Time Password ) က ကိုယ်နဲ့ပဲသက်ဆိုင်တယ်၊ အရေးကြီးတဲ့ဟာ၊ ဆိုတာကိုမသိပဲ လာတောင်းတာနဲ့ ပေးလိုက်ကြတော့တာပဲ။

အဲ့လိုပေးလိုက်တာက ကိုယ့် Account ရဲ့ Password ကို ကိုယ် ကိုယ်တိုင်ပေးလိုက်တာနဲ့အတူတူပဲဖြစ်သွားတယ်ဆိုတာကို မသိကြဘူး။ ဝင်လာတဲ့ Message ကို သေခြာမဖတ်ကြည့်တာလည်းပါမယ်။ Facebook password ကို တဖက်က Reset ချလိုက်တာနဲ့ ကိုယ့်ဖုန်းထဲမှာ "123456 is your Facebook password reset code." ဆိုပြီးဝင်လာတယ်။ "ဒီ 123456 က သင့်ဖေ့ဘွတ် Password ကို ပြောင်းလဲရန်ကုတ်နံပါတ်ဖြစ်ပါတယ်။" ဆိုပြီးပါပြီးသား၊ အဲ့ဒါကို သေခြာမဖတ်ကြည့်ပဲ တဖက်လူက ဝင်လာတဲ့ Code လေး ပြန်ပို့ပေးပါဆိုတာနဲ့ အူတူတူအတတနဲ့ သွားပေးလိုက်တယ်၊ ပေးပြီးမကြာဘူး အကောင့်လေးကို ခွေးသူခိုးတွေက သမသွားရော။

Account ပါသွားပြီဆိုတာနဲ့ နောက်ဆက်တွဲက အရှက်ကွဲစရာတွေ၊ ငွေကုန်ပေါက်တွေထပ်ဖြစ်ကုန်တယ်။ အမိယုတ်၊ အဖယုတ်လို့ သန္ဓေယုတ်ဖြစ်လာတဲ့ ခွေးသူခိုးတွေက အကောင့်ပိုင်ရှင်ကိုရော၊ အဲ့ဒီအကောင့်ထဲက Friend list တွေထဲကရော ငွေတွေကို နည်းပေါင်းစုံနဲ့ လိမ်တောင်းတော့တာပါပဲ။

Online ပေါ်ကနေ ငွေချေးတိုင်း ဘာကြောင့် အလွယ်တကူမလွှဲပေးသင့်တာလဲ?
ဒီနေ့လိုခေတ်မှာက Mobile Money, Mobile Banking, Mobile Payment, တွေအသုံးများလာတော့ အကောင့်ကို ခိုးထားတဲ့ခွေးသူခိုးတွေက ဘယ်သူရေ၊ ဘယ်ဝါရေ၊ အရေးပေါ်ငွေလိုနေလို့ ခနချေးပါလား၊ အခုလွှဲပေးပါလား၊ ဆိုတာနဲ့ ချက်ချင်းကောက်လွှဲပေးလိုက်တော့တာပဲ။ ( အဲ့လို အလွယ်တကူနဲ့ ယုံကြည်ပြီးလွှဲပေးတဲ့သူတွေကလည်း ငအူတွေ၊ ငအတွေပဲလို့ ပြောရမှာပါ။ )
ဒီနေရာမှာ တခုထပ်ပြောချင်တာက Online ပေါ်ကနေ ဘယ်သူပဲဖြစ်ဖြစ်( ကိုယ့်မိသားစုဝင်၊ အရမ်းခင်မင်ရတဲ့ သူငယ်ချင်းမိတ်ဆွေတွေပဲဖြစ်ဖြစ် ) ပိုက်ဆံလွှဲပေးပါလားဆိုတိုင်း အလွယ်တကူ လုံးဝမှ မလွှဲပေးကြပါနဲ့ ဆိုတာပါပဲ။ ဘယ်လိုပတ်သက်မှုပဲဖြစ်ဖြစ်၊ ဘယ်လောက်ပဲ ရင်းနှီး ရင်းနှီး၊ အလွယ်တကူမလွှဲပေးပါနဲ့ ပိုက်ဆံလာချေးရင်၊ ပိုက်ဆံလာလွှဲခိုင်းရင်၊ ဖုန်းနံပါတ်သိရင် ဖုန်းခေါ်ပါ၊ Video call ခေါ်ပြီးအတည်ပြုပါ၊ တကယ့် ကိုယ်သိတဲ့ ကာယကံရှင် အစစ်အမှန် ဆိုတော့မှသာ လွှဲပေးကြပါ။ ဖုန်းနံပါတ်မသိလို့ Messenger ထဲကနေ Free call နဲ့ ဖုန်းခေါ်လို့၊ Video call ခေါ်လို့၊ မကိုင်ဘူး၊ ဘာဖြစ်လို့ ညာဖြစ်လို့ဆိုပြီး ဆင်ခြေတွေပေးနေရင် လုံးဝ လုံးဝမှကို မလွှဲပေးပါနဲ့ဆိုတာပါပဲ။

OTP( One Time Password ) ဆိုတာဘာလဲ?
အဓိက နောက်ဆုံးအနေနဲ့ပြောချင်တာကတော့ OTP ဆိုတာ One Time Password ပါ။ ကိုယ့် Facebook account ပဲဖြစ်ဖြစ်၊ ကိုယ့် Mobile Banking တွေအတွက်ပဲဖြစ်ဖြစ်၊ ကိုယ်နဲ့ပဲသက်ဆိုင်တဲ့ အရေးကြီးတဲ့ Code ပါ။ ကိုယ့်ဖုန်းထဲကိုဝင်လာရင် ဘယ်သူ့ကိုမှ မပြပါနဲ့၊ ဘယ်သူ့ကိုမှ မပေးပါနဲ့။ တချို့ OTP တွေက မိနစ်ပိုင်းအတွင်းပဲသုံးလို့ရတာရှိသလို 24 နာရီကျော်မှ သက်တမ်းကုန်တာတွေ၊ အဲ့ဒီ OTP Code ကို မသုံးမချင်း သက်တမ်းမကုန်ပဲ သုံးပြီးမှ သက်တမ်းကုန်တာမျိုးတွေရှိတယ်။

ဒါကြောင့်....
ကိုယ့်ဆီဝင်လာတဲ့ OTP( One Time Password ) ကို ဘယ်သူကိုမှမပြပါနဲ့၊ ဘယ်သူ့ကိုမှ မပေးပါနဲ့။ ကိုယ့်ဖုန်းထဲဝင်လာတဲ့ OTP Code ဟာ ကိုယ်နဲ့ပဲ သက်ဆိုင်တယ်ဆိုတာကို လုံးဝမှ မေ့မထားပါနဲ့ ဆိုတာပါပဲ။
Mobile Banking တွေအသုံးပြုနေပြီး အူတူတူအတတနဲ့ ကိုယ့်ဆီကို ဝင်လာတဲ့ OTP ကို လာတောင်းတိုင်း ပေးမိလိုက်ရင်၊ သို့မဟုတ် Public မှာ Screenshot ရိုက်ပြီး တင်မိရင်၊ အဲ့ဒီ OTP က Financial Transaction ဖြစ်နေခဲ့ရင် ကိုယ့် ဘဏ်အကောင့်ထဲက ပိုက်ဆံတွေပါ ကုန်သွားနိုင်တယ်။

ဘယ်ကဝင်တဲ့ OTP ပဲဖြစ်ဖြစ် ဘယ်သူမှမပြမိ၊ မပေးမိကြပါစေနဲ့လို့ နောက်ဆုံးသတိပေးရင်း ဒီပို့စ်လေးကို ဒီမှာပဲရပ်နားလိုက်ပါပြီ။

အမိယုတ်၊ အဖယုတ်လို့ သန္ဓေယုတ်ဖြစ်လာတဲ့ အောက်တန်းစားခွေးသူခိုး အကောင့်သူခိုးတွေနဲ့ ကင်းဝေးတဲ့သူတွေဖြစ်ကြပါစေ။

Aung Kyaw Soe ( 7.2.2020 - 5:30 PM )

မူရင်းတင်ထားသည့်ပို့ -

Xmas နဲ့ New Year မှာ အခုလို Scam ad တွေကို သတိထားပြီးရှောင်ရှားကြပါ။ ကိုယ်တွေကတော့ Report ad ပဲလုပ်ပေးလိုက်တယ်။ ဒီလို Scam ad တွေ တွေ့တိုင်း Report သာ လုပ်ပေးကြပါ။ Fake ad တွေပါ။

ဘယ်လို Report ad လုပ်ရမလဲ...?
1. ကြော်ငြာရဲ့ ညာဘက်အပေါ်ထောင့်နားက အစက်လေး ၃ စက်ကိုနှိပ်ပါ။

2. Report ad ကိုနှိပ်ပါ။
3. Misleading or Scam ကိုရွေးပြီး Submit ကိုနှိပ်ပါ။
4. Done ပေးလိုက်ရင် ရပါပြီ။
အလွယ်ဆို....
Report ad => Misleading or Scam => Submit => Done.
အောက်ကဟာက ပထမတင်ထားတဲ့ Scam ad တွေနဲ့ ပတ်သက်တဲ့ Post ပါ။ မဖတ်ရသေးသူတွေ ဖတ်လို့ရအောင် ထပ်ထည့်ပေးထားတာပါ။
----------------
Online ပေါ်မှာ ဈေးပေါပေါနဲ့ ပေါချောင်ကောင်းရတာပဲဆိုပြီး ဂျင်းအမိမခံကြပါနဲ့။ ဒီပစ္စည်းတွေကို ဒီလောက်ဈေးနဲ့ရတာ တန်မှတန်ပဲ၊ ခရစ္စမတ်မို့၊ နှစ်သစ်ကူးတော့မှာမို့၊ အထူး Promotion ဈေးချတာနေမှာပါလို့ လွယ်လွယ်လေးမတွေးနဲ့ သေခြာလေးစူးစမ်းကြည့်လိုက်ရင် ဂျင်းတွေဆိုတာ သိသွားလိမ့်မယ်။
အခုပြထားတာ( နောက်ထပ်လည်း ပုံစံတူတွေ အများကြီးရှိနိုင်ပါသေးတယ်။ )တွေက ဂျင်းတွေပါ။ Facebook ရဲ့ Business Manager Tools ရဲ့ Error ကို အသုံးချပြီး sub domain တွေနဲ့ Spam လိုလုပ်ပြီး Fake data တွေနဲ့ User info တွေကို ခိုးယူစုဆောင်းဖို့ လုပ်ထားတာလို့ သုံးသပ်မိပါတယ်။ Sponsored ဆိုပြီးပါတယ် ဂျင်းမဖြစ်နိုင်ပါဘူးတော့မလုပ်နဲ့ ဂျင်းစစ်စစ်တွေချည်းပဲ။ အရာသာမြည်းချင်ရင်တော့ မြည်းကြည့်။
သူတို့တင်ထားတာတွေနဲ့ Reply comment တွေ၊ user comment တွေကို လိုက်စစ်ကြည့်ရင် Google translate ကိုသုံးပြီး ဘာသာပြန်ထားမှန်း သိသာနေပါတယ်။ နောက်ပြီးတော့ Website link တွေကိုကြည့်ရင်လည်း တခုနဲ့တခုက တူနေပြီး Sub domain လောက်ပဲကွဲသွားတာမျိုးလေးတွေပါ မြင်တွေ့ရမှာပါ။
ဒါကြောင့်...
သူတို့ဖြည့်ခိုင်းတဲ့( ပေးထားတဲ့ Link တွေထဲက ) ဖောင်တွေထဲမှာ ကိုယ့် info တွေကို လျှောက်မဖြည့်ကြပါနဲ့။ ဖြည့်လိုက်မိရင် နောက်ဆက်တွဲတွေ လာနေနိုင်ပါတယ်။ ကိုယ့် info တွေကိုသုံးပြီး အခြားသူတွေကိုလိမ်တာ၊ ကိုယ့် info တွေသုံးပြီး ကိုယ့်ကို ပြန်လာလိမ်တာမျိုးတွေ ခံရနိုင်ပါတယ်။
Scam sale post တွေ အများကြီးမှ အများကြီး ပွထနေပါတယ်။
သတိထားကြပါ။

Post - 1

Post - 2

ဒါကတော့ ဘဏ်ကတ်တွေ၊ ဘဏ်အကောင့်တွေနဲ့ အွန်လိုင်းပေါ်ကနေ ငွေပေးချေမှုတွေပြုလုပ်တဲ့သူတွေ သတိထားမိနိုင်အောင်လို့ အခု SS ထဲက အစ်မတင်ထားတဲ့ Post အောက်မှာ Comment သွားပေးထားတာလေးကို အနည်းငယ်ထပ်ဖြည့်ပြီး ပြန်တင်ပေးလိုက်တာပါ။ ဒီလိုဖြစ်စဉ်တွေကိုကြည့်လိုက်ရင် သုံးစွဲနေတဲ့ User ရဲ့ အမှတ်မထင် ပေါ့လျော့လိုက်မှုကြောင့်သာ ငွေကြေးတွေကို အခုလိုဆုံးရှုံးလိုက်ရတာများပါတယ်။ ကိုယ်တိုင်က ဘဏ်ကတ် or ဘဏ်ကတ်တွေနဲ့ အွန်လိုင်းငွေပေးချေမှုတွေမှာ အသုံးပြုနေပြီဆို ဒါလေးတွေကိုတော့ မဖြစ်မနေ ဗဟုသုတရဖို့ ဖတ်ထားသင့်ပါတယ်။

သူ့ ဘဏ်ကတ်ထဲကနေ ငွေတွေဘယ်လိုကြောင့်အခိုးခံရတာဖြစ်နိုင်လဲ?

အခုရက်ပိုင်းတွေထဲမှာ တော်တော်များများအလိမ်ခံနေရတဲ့ ဖုန်းတွေဆက်ပြီး ဘယ်ကနေကံထူးလို့၊ ညာကနေကံထူးလို့ သင့်ဘဏ်ကတ်နံပါတ် 121345 နဲ့စပြီး 67890 နဲ့ဆုံးတဲ့ကတ်က အချက်အလက်လေးတွေကို ပေးပို့ပြီး Confirm လုပ်ပေးပါ။ အဲ့လို Confirm လုပ်ပေးမှ သင့်ကံထူးထားတာကို ရယူပိုင်ဆိုင်နိုင်မှာပါ ဆိုတဲ့ လိမ်နည်းမျိုးမှာ ယုံပြီး ကိုယ့် ဘဏ်အကောင့် or ဘဏ်ကတ်နဲ့ ပတ်သက်တဲ့ အချက်အလက်တွေ ပေးလိုက်မိလို့ပါသွားတာဖြစ်နိုင်တယ်။

Online ပေါ်မှာ ငွေပေးချေမှုတွေလုပ်ရင်းနဲ့ Phishing( အစစ်နဲ့ခွဲမရတဲ့ အတု အယောင်ဆောင်ထားတဲ့ Website ) ထဲမှာ ဘဏ်ကတ် or ဘဏ်အကောင့်နဲ့ပတ်သက်တဲ့ Security PIN တွေ Account info, Card info, တွေကို အမှတ်မထင်ဖြည့်မိလို့ ကိုယ့် ဘဏ်ကတ် or ဘဏ်အကောင့်ရဲ့ အချက်အလက်တွေရသွားလို့ ပါသွားတာမျိုးလည်းဖြစ်နိုင်တယ်။

တခါတလေ လိုင်းသုံးနေရင် Ad Malware ဝင်နေလို့ Browser ကြီးပွင့်သွားပြီး စက်ဝိုင်းလှည့်ခိုင်းပြီး iPhone တွေကံထူးတာမျိုး၊ သင့် IP address က ဒီနေ့ ကံထူးသွားလို့ Google က ပေးတဲ့ သို့မဟုတ် အခြား ဘယ်ဟာကပေးတဲ့ ဒီလက်ဆောင်ကို $1 လောက်နဲ့ရမှာပါ ဆိုပြီး ဘဏ်ကတ်တွေဖြည့်ခိုင်းတာမျိုးတွေမှာထည့်လိုက်မိလို့ပါသွားတာမျိုးတွေလည်းဖြစ်နိုင်တယ်။

Email ထဲကို မသိရင် Bank ဘက်ကနေ ပေးပို့လာတဲ့အတိုင်း သင့်ဘဏ်ကတ် or ဘဏ်အကောင့်က ဘာလုပ်ဖို့လုပ်နေလို့ ဒီအချက်လေးတွေကိုဖြည့်ပေးပါ ( သို့မဟုတ် ) မေးလ်ပြန်လည်ပေးပို့ပေးပါ ဆိုပြီး မယုံ ယုံအောင်ဖန်တီးထားတဲ့ Phishing mail နဲ့မိသွားလို့ ဘဏ်ကတ် or ဘဏ်အကောင့်ရဲ့ အချက်အလက်တွေပါသွားပြီး ငွေတွေပါသွားတာလည်းဖြစ်နိုင်တယ်။

နောက်ပြီး ဘဏ်ကတ် ရှေ့ခြမ်း၊ နောက်ခြမ်းပုံကို တစုံတယောက်ကိုပေးမိတာ ( သို့မဟုတ် ) ကိုယ့် Account Messenger ထဲမှာ ဓာတ်ပုံရိုက်ပြီး ထည့်ထားမိတာမျိုးတွေရှိလို့ ကိုယ့်အကောင့်ထဲကို သူများ ခိုးဝင်တဲ့အချိန် ဘဏ်ကတ် or ဘဏ်အကောင့် နဲ့ပတ်သက်တဲ့အချက်အလက်တွေကိုသိပြီး ပါသွားတာလည်းဖြစ်နိုင်ပါတယ်။

ဖြစ်နိုင်ချေတွေကတော့အများကြီးရှိတယ်။ ဘဏ်တွေဘက်က ငွေရေးကြေးရေးဆိုင်ရာတွေ၊ Security ပိုင်းဆိုင်ရာတွေကို အရမ်းအလေးထားပြီး Secure ဖြစ်အောင်လုပ်ထားတာဖြစ်လို့ တော်ရုံနဲ့တော့ အဖောက်ခံရမှာမဟုတ်ဘူး။ သူတို့ ဘဏ်ရဲ့ဆာဗာကိုသာ အဖောက်ခံလိုက်ရရင် ဒီလိုဘဏ်ကတ်လေးထဲကနေ ယူမှာမဟုတ်ပဲ တကယ့် ဘဏ်အကောင့်ကြီးတွေထဲက ငွေအမြောက်ကိုပဲ ယူသွားမှာသေခြာတယ်။

အခုဟာက ဘဏ်ကတ်ထဲကပဲ ယူသွားတာဆိုတော့ ကတ်နဲ့ပတ်သက်တဲ့အချက်အလက်တွေကို ကိုင်ထားတဲ့ သုံးစွဲသူ User ရဲ့ Security ပိုင်းဆိုင်ရာ အားနည်းမှုကြောင့်လား( ဖြစ်နိုင်ချေအများဆုံးပဲ )ဆိုတာကိုတွေးမိတယ်။ ( နောက်ပို့စ်တခုအောက်က Comment တွေကိုဖတ်မိတော့မှ User အားနည်းချက်ရှိသွားလို့ဆိုတာသိလိုက်ရပါတယ်။ )

ဘယ်လိုပဲဖြစ်ဖြစ်ပါ။ အခုလိုဖြစ်တာမှာ နောက်ကြောင်းတွေ ပြန်လိုက်လို့ရတာများလို့ ဘဏ်နဲ့သေခြာချိတ်ဆက်ပြီး နောက်ကြောင်းလိုက်ကြည့်ပါ။ Visa Card က တကမ္ဘာလုံးကို ဖြန့်ကျက်ပြီး ဝန်ဆောင်မှုပေးနေတာဖြစ်လို့ ဒီကိစ္စအတွက် ဘဏ်နဲ့ပူးပေါင်းပြီး ဖြေရှင်းပေးမှာပါ။

အဲ့ဒီလိုတွေ မပါနိုင်အောင် ဘာတွေလုပ်ရမလဲ၊ ဘယ်လိုလုပ်ရမလဲ?

1. Security ပိုင်းလေးတွေကို အလေးထားပြီး သေခြာလုပ်ထားဖို့လိုပါတယ်။

2. Security ပိုင်းနဲ့ပတ်သက်ပြီး Knowledge လေးတွေရှိထားဖို့လိုပါတယ်။

Online ပေါ်မှာ ငွေပေးချေမှုတွေပြုလုပ်တဲ့အခါမှာပဲဖြစ်ဖြစ်၊ ဘဏ်အကောင့် or ဘဏ်ကတ်နဲ့ပတ်သက်တဲ့အချက်အလက်တွေကို ဖြည့်စွက်တဲ့အခါမှာဖြစ်ဖြစ်၊ ကိုယ်ဖြည့်စွက်လိုက်တဲ့အရာက Official ဟုတ်မဟုတ်ဆိုတာ သေခြာလေးစစ်ကြည့်ဖို့လိုပါတယ်။ Phishing Website တွေဆိုတာက အစစ်နဲ့ခွဲခြားမရအောင် ပြုလုပ်ထားကြတာမို့လို့ပါ။

___________________________

မ Suu Yadanar တင်ထားသည့် Post ၂ ခု။

မူရင်းတင်ထားတဲ့ SS Post 1 => https://www.facebook.com/yadanar.nwe.56/posts/3127432677271679

မူရင်းတင်ထားတဲ့ SS Post 2 => https://www.facebook.com/yadanar.nwe.56/posts/3127744207240526

အားလုံးပဲ သတိထားပြီး ဆင်ခြင်နိုင်ကြပါစေ။

Aung Kyaw Soe ( 17.12.2019 - 10:32 PM )

ဒီနေရာမှာ Account တွေ ခိုးခံရတိုင်းမှာ ခိုးတဲ့သူတွေတော်လွန်းလို့လားဆိုတော့ မဟုတ်ဘူး။ အကောင့်သူခိုးတွေသုံးတဲ့နည်းတွေက ခပ်ပိန်းပိန်းလူတွေကိုသင်ထားပေးရင်တောင် ရက်ပိုင်းအတွင်းအကောင့်ထိုင်ခိုးပြီးလုပ်စားလို့ရတဲ့အနေအထားဖြစ်သွားမယ်။ ( လက်ရှိ အကောင့်ခိုးပြီးလုပ်စားနေတဲ့ ခွေးသူခိုးအောက်တန်းစားတွေ အဲ့လိုမျိုးတွေပဲများတယ်။ ) ကြည့်လိုက်ရင် အခိုးခံရတဲ့အကောင့်ပိုင်ရှင်တွေကိုယ်တိုင်က စောက်သုံးမကျလွန်းလို့ အခိုးခံရတာတွေချည်းပဲ။ Login test, Recovery, Phishing, SE, တခုမဟုတ် တခုနဲ့ ထိနေကြတာများတယ်။ Security လည်းအလေးမထား Knowledge လည်း အားနည်းတော့ ခံနေကြရတာ။

1. Password အလွယ်ပေးတော့ login test နဲ့မိတယ်။
ဥပမာ - Password ဆိုတဲ့အရာကို မှတ်ရလွယ်ပြီး မှန်းရခက်တာမျိုးပေးထားသင့်ပေမယ့် ခပ်ပိန်းပိန်းလူတွေကတော့ ကိုယ့်နာမည်၊ မွေးနေ့မွေးရက်၊ ချစ်သူခင်သူနာမည်၊ အိမ်မွေးတိရိစ္ဆာနာမည်၊ အမှတ်တရနှစ်ပတ်လည် date, ကိုယ်သုံးနေတဲ့ဖုန်းနံပါတ်တွေအတိုင်း ပေးထားတော့ အလွယ်မှန်းပြီး Login test လုပ်တာနဲ့ အကောင့်ပါသွာတာမျိုးတွေများတယ်။

2. အလွယ်ယုံတတ်တော့ SE နဲ့မိတယ်။
ဥပမာ - ဖုန်းထဲ ကုတ်လေးဝင်လာရင်ပြန်ပို့ပေးပါဆိုတာကို ဘုမသိဘမသိနဲ့ ကုတ်ပြန်ပို့ပေးလိုက်တာမျိုး၊ အမှန်တကယ်က ကိုယ့်ဖုန်းထဲဝင်တဲ့ OTP ( One Time Password ) က ကိုယ်နဲ့ပဲဆိုင်တယ်ဆိုတာကို မသိတဲ့ နလပိန်းတုံးမျိုးဖြစ်သွားလို့ အကောင့်တွေ အခိုးခံလိုက်ရတာတွေရှိတယ်။

3. တွေ့ကရာ Link နှိပ် တွေ့ကရာ App တွေသုံးတော့ Phishing တွေမိတယ်။
ဥပမာ - Messenger ကနေဝင်လာတဲ့ link တွေဆို မစူးစမ်းမဆင်ခြင်ပဲ နှိပ်ကြည့်လိုက်မယ်ဆိုတဲ့သူမျိုးတွေ၊ ဘာ App လေးကတော့မိုက်တယ် လူသုံးများနေတယ်ဆိုတာနဲ့ လျှောက် Download လုပ်ပြီးသုံးတတ်တဲ့သူမျိုးတွေ၊ အဲ့လိုလူမျိုးတွေအကောင့်တွေလည်း အခိုးခံရတာများတယ်။

4. Security ပိုင်းကိုအလေးမထားလို့ Recovery test နဲ့မိတယ်။
ဥပမာ - Security settings ထဲမှာ Trusted contacts တခုမထည့်ထားတာနဲ့ Recovery ဆွဲပြီးအခိုးခံရနိုင်တယ်ဆိုတာမသိတော့ အခိုးခံကြရတာများတယ်။ Facebook account ထဲက Security settings ထဲမှာကိုယ့်အကောင့်လုံခြုံအောင်လုပ်ဖို့နည်းတွေအများကြီးထည့်ထားတယ်။ ဝင်လုပ်ရင် ၅ မိနစ်တောင်မကြာတာကို ဝင်လုပ်ဖို့အပျင်းကြီးတဲ့သူနဲ့ ငါက Cele မှမဟုတ်တာ၊ လုပ်ငန်းရှင်မှမဟုတ်တာ ငါ့အကောင့်တော့ အခိုးခံရမှာမဟုတ်ပါဘူးလေလို့ ခပ်ပိန်းပိန်းတွေးထားလိုက်တဲ့သူတွေများနေလို့ အခိုးခံရတာများတယ်။

5. Security knowledge မရှိကြတာများလို့ အခိုးခံရတာများတယ်။
ဥပမာ - Security, Account security, ဆိုတာတွေကိုပြောလိုက်တာနဲ့ ငါနဲ့တော့မဆိုင်ပါဘူး။ ငါတို့တော့လိုက်လို့မမှီပါဘူးဆိုပြီး အလွယ်တွေး၊ အလွယ်ခေါင်းရှောင်လုပ်လိုက်ကတော့ Security ပိုင်းဆိုင်ရာ ဗဟုသုတ ဘာမှမရှိတော့ဘူး။ အဲ့လိုမရှိတော့ အကောင့်တွေအခိုးခံရဖို့ ရာခိုင်နှုန်းက ပိုများသွားတယ်။ အဲ့လို ကိုယ့်ကိုယ် ကိုယ် လူပိန်းဖြစ်အောင်လုပ်တဲ့သူတွေအကောင့်တွေပဲ အခိုးခံရတာများတယ်။

အကောင့်တွေအခိုးခံရလို့ or တခုခုဖြစ်လာပြီဆိုတော့မှ အဖေကယ်ပါ၊ အမေကယ်ပါ၊ ဆိုတာမျိုးတွေလုပ်လာကြတာများတယ်။ အမှန်တကယ်က ဘာမှမဖြစ်ခင်ကတည်း ကိုယ့်အကောင့်လုံခြုံရေးနဲ့ပတ်သက်ပြီး ကိုယ့်အသိဥာဏ်လေးနဲ့ကိုယ် လုပ်ထားကြဖို့လိုတာ။ အဲ့လိုသာလုပ်ထားကြရင် Account တွေ Hack လုပ်ခံရတယ်ဆိုတာ တော်တော်ကြီးကို နည်းသွားမှာသေခြာတယ်။

အခုတော့ ကိုယ့်ကိုယ် ကိုယ် စောက်ပိန်းဖြစ်အောင်လုပ်ထားပြီး၊ ကိုယ်စောက်သုံးမကျတာလူတွေသိနိုင်သွားစေတဲ့ Account Hack ခံရတယ်ဆိုတာတွေဖြစ်ပြီးရင်း ဖြစ်နေကြတုန်းပဲ။

တော်သေးပြီ ရေးချင်လွန်းလို့ရေးပေးထားတာမဟုတ်ဘူး။ စောက်ပိန်းတွေ စောက်သုံးမကျတဲ့သူတွေ ခနတိုင်းတွေ့နေရလို့ စောက်မြင်ကတ်လွန်းလို့ရေးပေးဖြစ်သွားတာ။ ကိုယ်တွေ အာပေါက်အောင် ဘယ်လောက်ပြောပြော အလေးမထားတဲ့သူတွေက အလေးကိုမထားကြတာပဲ။

Aung Kyaw Soe ( 6.11.2019 - 10:43 AM )

ကိုယ့် Facebook Account တကယ် Hack ခံရတာလား? ( SE ထိုးပြီးဂျင်းလာထည့်တာလား ) သိဖို့
ကိုယ့်ကို Screenshot လေးလာပြပြီး မင်း Account တော့ Hack ထားပြီးပြီ ဒီမှာတွေ့လား လက်ရှိ Password မချိန်းသေးဘူး။ မင်းအနေနဲ့ဆက်သုံးချင်ရင် ပိုက်ဆံဘယ်လောက်ပေး အဲ့ဒါဆို မင်းအကောင့်ကိုဘာမှမလုပ်တော့ဘူး။ ပိုက်ဆံမပေးဘူးဆိုရင် အကောင့်ကိုဖျက်ချလိုက်မယ်တို့၊ Password ချိန်းပြီးယူလိုက်မယ်တို့ဆိုပြီး ခြိမ်းခြောက်ပြီးငွေညှစ်လာခဲ့ရင် ဂျင်းမမိကြစေဖို့ Sharing လုပ်ပေးလိုက်ပါတယ်။

SE ထိုးခံရပြီး အလိမ်အညာခံရခြင်းမှ ကင်းဝေးကြပါစေ။

#Facebook #Hack #SE

မူရင်းပို့စ် -

ဒီလို Message မျိုးလေးတွေအမြဲပေးတာတောင် ဘယ်သူမှအလေးမထားကြဘူး။ 🙄 ကိုယ့် Account လေးတွေ အခိုးခံရပြီဆိုတော့မှ အကောင့် Hack ခံရလို့ပါ၊ အဖေကယ်ပါ၊ အမေကယ်ပါ၊ ဆိုတာမျိုးတွေဖြစ်ကုန်ကြတယ်။ 😏
ဘာမှမဖြစ်ခင်က ကိုယ့် Facebook Account လေးတွေ Safe ဖြစ်ဖို့ Facebook Security ပိုင်းကို အလေးထားပြီးလုပ်ဆောင်ထားကြဖို့လိုပါတယ်။ 👍
#ပျောက်ဆုံးနေသောအမှန်တရား ဇာတ်လမ်းတွဲနဲ့ပတ်သက်တဲ့ အင်တာဗျူးလေး။ 😁😁😁

Admin: Aung Kyaw Soe

❝ဘယ်သူလာပြောပြော နောက်ဆုံးကိုယ်နဲ့ ရင်းနှီးတဲ့ သမီးရည်းစားပဲဖြစ်ဖြစ် ကိုယ့်ရဲ့ယောက်ျား၊ မိန်းမပဲဖြစ်ဖြစ်၊ မိသားစုဝင်ထဲက အဖေ၊ အမေပဲဖြစ်ဖြစ် ကိုယ့်ကို စကားလာပြောြပီ၊ link တစ်ခုလာပို့ပြီဆိုရင် ဘယ်လိုမှနှိပ်မကြည့်နဲ့ ၊ ဝင်မကြည့်နဲ့ ၊ ဝင်မကြည့်လေ Safe ဖြစ်လေပေါ့❞ ➤ ကိုအောင်ကျော်စိုး

❝ ပျောက်ဆုံးနေသော အမှန်တရား❞ ဇာတ်လမ်းတွဲမှာ နည်းပညာပိုင်းဆိုင်ရာ အကြံပေးအနေနဲ့ ပါဝင်ကူညီပေးခဲ့တဲ့ IT ပညာရှင် ကိုအောင်ကျော်စိုးရဲ့ interview clip လေးကို ကြည့်လိုက်ကြရအောင် 👇

Taurus V Production

MRTV-4

Face App လေးတွေသုံးပြီး ပေါ်ပင်မှာပျော်ရွှင်နေကြသူတွေအနေနဲ့ အဲ့ဒီ Face App ဟာ ၂၀၁၇ မှာ ရုရှားကုမ္ပဏီတခုကထုတ်လုပ်ထားတာဖြစ်ပြီး၊ ထုတ်လုပ်သူက Privacy, Security, တွေကိုအလေးထားပါတယ်ပြောထားပေမယ့် လုံးဝမှ Safe မဖြစ်တဲ့ App တခုဆိုတာ သိထားစေချင်ပါတယ်။

အဲ့ဒီ App ကို ကိုယ့်ဖုန်းထဲမှာ Insatll စသွင်းလိုက်ကတည်းက ဖုန်းထဲမှာရှိတဲ့အချက်အလက်တွေကို အကုန်စုဆောင်းပြီးရယူထားလိုက်တာပါ။ သူတို့ ဆာဗာနဲ့ တိုက်ရိုက်ချိတ်ဆက်ထားလို့ ကိုယ့်ဖုန်းထဲက Phone contacts, Message, Photo, Video, and all user data ေတြကုိ သူတုိ႔ဆာဗာဆီကုိကုိယ္မသိပဲပုိ႔ေဆာင္ေနေစပါတယ္။

ပြောရမယ်ဆိုရင် အဲ့ဒီ Face App ကို ဖုန်းထဲထည့်ထားသမျှကာလပတ်လုံး ကိုယ်ပြောသမျှဆိုသမျှ လုပ်သမျှတွေကို သူတို့သိနိုင်နေပါတယ်။

ပိုပြီးစိတ်ဝင်စားဖို့ကောင်းတာက Face App ကိုသုံးပြီး Upload လုပ်လိုက်တဲ့ကိုယ့်ပုံက ရုရှားအစိုးရဆီကိုတိုက်ရိုက်ပို့ပေးနေတယ်ဆိုတာပါပဲ။ US အစိုးရနဲ့ US Security ပိုင်းကထောက်ပြနေတာကတော့ ဒီ App ဟာ နိုင်ငံရေးအကျိုးအမြတ်အတွက်လုပ်ဆောင်ထားတဲ့( User data တွေကို ခိုးယူစုဆောင်းနေတဲ့ လူတွေကိုစောင့်ကြည့်ဖို့လုပ်ထားတဲ့ ) App တခုလို့ပါ စွပ်စွဲပြောဆိုထားပါသေးတယ်။

Face App မှ မဟုတ်ပါဘူး။ Mobile app တော်တော်များများဟာ ရေးသားထားတဲ့ App dev. တွေရဲ့ သုံးစွဲသူ User တွေဆီကနေ ဘယ်လိုအကျိုးအမြတ်တွေရယူဖို့ထိကြိုးစားထားတယ်ဆိုတဲ့အပေါ်မူတည်ပြီး နည်းပညာနဲ့ဝန်ဆောင်မှုပေးရင်း အချက်အလက်တွေပြန်လည်ရယူကြတာများပါတယ်။ User data တွေစုဆောင်းပြီးပြန်လည်ရောင်းချတာ၊ ကြော်ငြာတွေပြပြီးပိုက်ဆံရှာတာ၊ Rat, Trojan, ရိုးရိုး Malware, ad Malware တွေ Virus အမျိုးမျိုးထည့်သွင်းတာ၊ နောက်ဆုံး Phishing app ဖန်တီးပြီး User data တွေ ထိုင်ခိုးတာအထိပါလုပ်တတ်ကြပါတယ်။

ဒါေၾကာင့္ အေကာင္းဆုံးကေတာ့ ေတြ႔ကရာ App ေတြကုိေလွ်ာက္မသုံးေလေလ ကုိယ့္အခ်က္အလက္ေတြအတြက္စိတ္ခ်ရေလပဲမုိ႔ ပေါ်ပင်မှာပျော်ရွှင်တတ်ကြတဲ့စိတ်နဲ့ အလေ့အထများကို လျှော့ကြပါလို့ပဲပြောချင်ပါတယ်။

Aung Kyaw Soe ( 19.7.2019 - 7:00 PM )

#FaceApp #FaceAppIsSafeOrNotSafe #FaceAppIsNotSafe

မူရင်းပို့စ် =>

ဒီနေ့အစ်မတယောက်နဲ့ Facebook Account အခိုးခံရတာတွေနဲ့ပတ်သက်ပြီးပြောဖြစ်တာလေးတွေထဲကနေ အခြားသူတွေကိုသိစေချင်တာလေးရှိလို့ဒီ Post လေးကိုရေးလိုက်တာပါ။ လူတိုင်းက ကိုယ့် Facebook Account တော့ အခိုးခံရတာကြောက်ကြတယ်။ ဒါပေမယ့် ကိုယ့် Account Security ပိုင်းကိုအလေးထားကြလားဆိုတော့ မထားကြကြဘူး။ ဒါကြောင့်လည်း မကြာခဏဆိုသလို Account တွေ Hack ( ခိုးယူ )ခံနေရတာပါ။

ကိုယ့် Facebook Account မခံရဖို့အတွက် လုပ်ဆောင်ရမယ့်အချက်က အလွယ်ပြောမယ်ဆိုရင် ( 2 ) ချက်ပဲရှိတယ်။

အဓိက လိုအပ်တာက အဲ့ဒီ ( ၂ ) ချက်ပဲရှိတယ်။

အဲ့ဒါကဘာလည်းဆိုတော့ Security ပိုင်းအလေးထားဖို့( Security မြှင့်ထားဖို့)နဲ့ Security Knowledge ရှိထားဖို့ကအဓိကပဲ။

1. ကိုယ့်အကောင့်ကို Security မြှင့်ထားဖို့လိုတယ်။

2. တွေ့ကရာ Link, တွေ့ကရာ App တွေကို လျှောက်မနှိပ်၊ လျှောက်မဝင်၊ လျှောက်မသုံးဖို့လိုတယ်။

အဲ့ဒါဆို ကိုယ့်အကောင့်ကို ဘယ်သူမှ ခိုးလို့မရတော့ဘူး။
ဘယ်သူလာပေးတဲ့ Link လေးမို့ဝင်ကြည့်(နှိပ်ကြည့်)လိုက်မိတာပါ။
ဘယ်သူကပေးတဲ့ App လေးမို့ကူးယူပြီးသုံးကြည့်လိုက်မိတာပါ။
ဆိုလို့ကတော့ အဲ့ဒီလိုလူမျိုးတွေရဲ့အကောင့်တွေက Security Settings တွေကို 99% ဖြစ်အောင်လုပ်ထားလည်း အခိုးခံနေရဦးမှာပါပဲ။

Facebook Account တခုကို Security Settings ချတာက ခက်လား၊ အချိန်ကြာလား၊ ဆိုတော့ ခက်လည်းမခက်ဘူး။ ကြာလည်းမကြာဘူး။ ၅ မိနစ်လောက်လေးအတွင်းမှာတင် အကုန်လုပ်လို့ပြီးတယ်။
ဘယ်လိုလုပ်ရမှန်းမသိလို့မလုပ်တာပါဆိုရင်တော့ အောက်က Website Link လေးထဲမှာဝင်ဖတ်ကြည့် မလုပ်တတ်တဲ့သူပါလုပ်တတ်သွားအောင် အသေးစိတ်ရေးပေးထားတယ်။

www.osc-myanmar.blogspot.com/2018/06/facebook-account-hack.html

အဲ့ဒီထဲက ၃ ချက်ကိုလုပ်ထားရင် 99% ကိုယ့်အကောင့် Safe ဖြစ်ပြီ။
1% ကတော့ Security Knowledge ရှိဖို့လိုတယ်။

အဲ့ဒီ ၂ ခုပေါင်းလိုက်ရင် ကိုယ့်အကောင့်က 100% Safe ဖြစ်ပြီ။

ဒီနေရာမှာ တခုပြောချင်တာက စာဖတ်ဖို့မပျင်းကြပါနဲ့၊ လိုက်လုပ်ဖို့မပျင်းကြပါနဲ့ဆိုတာပါပဲ။ ဘာမဟုတ်တဲ့ အဖီးလ်တလိုင်းပို့စ်တွေ၊ အရည်မရအဖတ်မရပို့စ်တွေကျတော့ မျက်စိအညောင်းခံ၊ အချိန်ကုန်ခံဖတ်ပြီး Security Knowledge Sharing လုပ်ထားတာမျိုးတွေကျ ကိုယ်နဲ့ပဲမဆိုင်သလိုလို၊ စာတွေများလို့မျက်စိညောင်းမှာစိုးလို့မဖတ်တာလိုလိုနဲ့ကျော်ခွသွားကြတယ်။

တချို့ဆို Security Knowledge Sharing Post ကို Like, Comment, Share, တွေတော့လုပ်ပါရဲ့ဖတ်လည်းမဖတ်၊ လိုက်လည်းမလုပ်တဲ့သူတွေ ကျွန်တော့်အကောင့်ထဲမှာတင်အများကြီးရှိသေးတယ်။ တခုခုဖြစ်ပြီဆိုတော့မှ အဖေကယ်ပါအမေကယ်ပါဆိုပြီးဖြစ်ကုန်ကြတယ်။ အပြောမတတ်တော့ဆဲသလိုဆိုတဲ့အတိုင်းပဲ ကိုယ်တွေကစေတနာနဲ့ပြောတာ စိတ်ဆိုးလည်းမတတ်နိုင်ဘူး။

2018 ထဲက အကောင့်သူခိုးတွေဇောင်းထနေချိန်၊ ဒီဇိုင်နာအကောင့်တွေ ဆက်တိုက်ဆိုသလိုခိုးခံနေရတော့ ဒီဇိုင်နာအစ်မတယောက်က Message ကနေလာပြောတယ်။ မောင်လေးရေ အစ်မအကောင့်ထဲက ဒီဇိုင်နာတွေရဲ့အကောင့်တွေ တယောက်ပြီးတယောက်ဆက်တိုက်အခိုးခံနေရတယ်။ အစ်မအကောင့်လေး အခိုးမခံရအောင် Safe ဖြစ်အောင် ဘယ်လိုလုပ်ရမလဲဆိုပြီးလာမေးတော့ အပေါ်မှာပေးထားတဲ့ Link လေးပေးပြီး အဲ့ဒီအတိုင်းလေးလုပ်ထားလိုက်ပါဗျ အဲ့ဒါဆို Safe ဖြစ်ပါပြီဆိုပြီးပြောလိုက်တယ်။ မကြာဘူး နောက် ၁ ပတ်လောက်နေတော့ အကောင့်တခုနဲ့လာပြောတယ် မောင်လေးရေ အစ်မအကောင့် Hack ခံလိုက်ရပြီတဲ့ဆိုတော့ ဟာ... အစ်မကို ဟိုတရက်ကပဲ Security မြှင့်နည်းပေးလိုက်တယ်လေ မလုပ်ထားဘူးလားဆိုတော့ ဟုတ်တယ်မောင်လေး အစ်မ လည်း အေးအေးဆေးဆေးနောက်မှလုပ်မယ်ဆိုပြီး Save ပဲ Save ထားလိုက်တာ မလုပ်လိုက်ရဘူးတဲ့။ အဲ့ဒီတော့ ကိုယ်တွေလည်း ဂရုဏာဒေါသောနဲ့အခိုးခံရတာ နည်းတောင်နည်းသေးတယ်လို့ပြောချင်ပေမယ့် မပြောဖြစ်လိုက်ပါဘူး။ စိတ်ထဲကနေတော့ ကိုယ်တွေက နည်းပေးလိုက်ပါလျှက်နဲ့မလုပ်တာ သူ့ထိုက်နဲ့သူ့ကံပဲပေါ့လို့ပဲတွေးပေးလိုက်တော့တယ်။

ဒါကြောင့် မပျင်းပါနဲ့၊ နောက်မှလုပ်မယ်ဆိုပြီးမလုပ်ကြပါနဲ့အခုချက်ချင်းလုပ်ထားကြပါလို့ပဲပြောချင်ပါတယ်။

ဘယ်လိုလူမျိုးတွေရဲ့ Facebook Account တွေ အခိုးခံရတာအများဆုံးလည်း၊ ဘယ်လိုတွေကြောင့်အခိုးခံရတာလည်းဆိုရင်။

တွေ့ကရာ Link လျှောက်နှိပ်တတ်ရင် ပါမှာပဲ။
တွေ့ကရာ Website Login လျှောက်ဝင်တတ်ရင်လည်းပါမှာပဲ။
တွေ့ကရာ App လျှောက်သုံးတတ်ရင်လည်းပါမှာပဲ။
နောက်ဆုံး Account Security ပိုင်း လုပ်မထားတာနဲ့ အကောင့်ကို ခိုးချင်တဲ့သူက Target ထားတဲ့အချိန်နဲ့တိုက်သွားရင်လည်း ပါမှာပဲ။

အကောင့်တခုက ခိုးချင်တယ်ဆို အဲ့ဒီအကောင့်ပိုင်ရှင်ဝင်သုံးနေတဲ့ Email, Phone Number, Password ဘာမှ သိဖို့မလိုဘူး။ သူ့အကောင့်ကိုသိထားရင်ပဲ ရပြီ။ Security က ဘာမှလုပ်မထားဘူးဆို i can't login နဲ့ အလွတ် ID အတု မေးလ်အသစ်နဲ့လှမ်းချိတ်ပြီးခိုးလိုက်ရုံပဲ။

နောက်တမျိုးက ကျတော့ Phishing နဲ့ SE ထိုးပြီးထောင်ဖမ်းတယ်။ Phishing ကျတော့ Website link နဲ ့လာတာရှိတယ်၊ Mobile App နဲ့လာတာရှိတယ်။ တွေ့ကရာ Link နှိပ်ကြည့်တတ်သူ၊ ဝင်ကြည့်တတ်သူ၊ တွေ့ကရာ Mobile App တွေလျှောက်သုံးတတ်သူတွေဆို Phishing မိပြီပဲ။ မိဖို့က 100% လောက်ရှိတယ်။

အခုနောက်ပိုင်း i Can't login နဲ့ခိုးတာက အရင်လိုသိပ်မလွယ်တော့ Phishing တွေနဲ့ SE ထိုးတယ်။ ထောင်ဖမ်းတယ်။ SE ထိုးတာ မမိဖို့ဆိုရင် Online ပေါ်မှာ ဘယ်သူ့ကိုမှမယုံဖို့လိုမယ်။ ကိုယ့်အိမ်က မိသားစုဝင်ပဲဖြစ်ဖြစ်၊ ကိုယ့်ချစ်သူ၊ ကိုယ့်သူငယ်ချင်းပဲဖြစ်ဖြစ်၊ ဘယ်သူ့ကိုမှ မယုံကြည်တာအကောင်းဆုံးပဲ။

Security လည်းမြှင့်ပြီး Secure ဖြစ်အောင်လုပ်ထားမယ်၊ SE မမိအောင်၊ Phishing တွေနဲ့မမိအောင်ရှောင်တတ်မယ်ဆိုရင် ကိုယ့် Facebook Account 100% Safe ဖြစ်စေလိမ့်မယ်။
ဒီလောက်ပဲ တော်သေးပြီ။ ဒီ Post ကိုဖတ်ဖူးပြီး( ဖတ်မိပြီးသွားပြီး ) တော့မှ ကိုယ့် Facebook Account အခိုးခံရတယ်ဆိုလို့ကတော့ အဲ့ဒီလူကို ကိုယ့်ထိုက်နဲ့ကိုယ့်ကံ ကိုယ့်ဘာသာခံပေတော့လို့ပဲပြောချင်တော့တယ်။

Aung Kyaw Soe ( 14.6.2019 - 8:11 PM )

#Facebook #Account #Hack #Security #FacebookSecurity #SecurityKnowledge #Knowledge #FacebookAccountHack #FacebookAccountSecurity #FacebookAccount #FacebookAccountSecurityKnowledge

မူရင်းပို့စ် =>

Security

My Blog

Latest blog

Taurus V Production

MRTV-4

Contact Me

Contact With Me